Сўнги бир кунда республикада коронавирус инфекцияси яна 13 кишидан топилган. Уларнинг уч нафари тиббиёт ходимлари.
Соғлиқни сақлаш вазирининг ўринбосари Нурболот Усонбаев сўзларига кўра, ушбу хасталикни юқтириб олганлар, Бишкекда олти, Ўш шаҳрида, Норин ва Ўш вилоятида бир нафардан, Чуй ҳамда Иссиқкўл вилоятларида иккидан нафарни ташкил қилади.
Бугунги кунда коронавирусни юқтириб олган фуқароларнинг умумий сони 695га етади. Уларнинг 83 нафари тиббиёт ходимлари. Ўпка касалидан жами 395 киши шифо топган, саккиз бемор эса вафот этган.
Коронавируснинг энг кўп ҳолати Ўш вилоятида қайд этилган, 210 ҳолат. Унинг 110 нафари Ўш шаҳрида аниқланган. Бишкек 164 ҳолат кўрсаткич билан иккинчи ўринда.
Жалолобод вилоятида эса 111 киши мазкур касални юқтириб олган. Норин вилоятида коронавирусга чалинганларнинг сони 86ни ташкил қилди. Чуй вилоятида COVID-19 46 кишидан аниқланди. Иссиқкўл вилоятида 10 ҳамда Баткен вилоятида 8 ҳолат қайд этилди. Талас вилоятида бугунги кунда коронавируснинг бирор ҳолати ҳам қайд этилмаган.
Ҳозирда касалхоналарда 292 киши қолмоқда. Уларнинг ўн икки нафари оғир аҳволда, еттиси жонлантириш бўлимида. Мамлакат бўйича обсервацияга 1044 киши олинган.
Коронавирусни юқтириб олганлар билан алоқада бўлганларнинг сони 2753 нафарни ташкил қилади. Барчаси тиббий назоратга олинган.
Шунингдек 27-апрелга қадар жами бўлиб 47319 кишидан таҳлил олинган. Уларнинг 46627сининг натижаси чиққан.
